Georgia's Innovation and Technology Agency

🚀„ქალაქ ქუთაისმა ახალი ფუნქცია შეიძინა და გახდა ადგილი, სადაც ერთ მისამართზე ერთიანდება განვითარების სრული გზა: ინტერესიდან — უნარამდე, უნარიდან — პროტოტიპამდე, პროტოტიპიდან — ინოვაციურ ბიზნესამდე” - ამის შესახებ ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თავმჯდომარემ, ქუთაისში, ტექნოლოგიური ჰაბის ოფიციალურ გახსნაზე სიტყვით გამოსვლისას განაცხადა. ღონისძიებას საქართველოს პრემიერ-მინისტრი ირაკლი კობახიძე და ეკონომიკისა და მდგრადი განვითარების მინისტრი მარიამ ქვრივიშვილი ესწრებოდნენ. 🚀 მრავალფუნქციური სივრცე ეკოსისტემაში აერთიანებს განათლებას, მეცნიერებას, ინოვაციებს, ტექნოლოგიურ მეწარმეობასა და თანამედროვე კვლევით ინფრასტრუქტურას. პროექტი წარმოადგენს საქართველოს ერთ-ერთ უმნიშვნელოვანეს ინვესტიციას ტექნოლოგიურ განვითარებაში და მიზნად ისახავს ქვეყნის, როგორც რეგიონული ინოვაციური ცენტრის პოზიციის გაძლიერებას. 🔬 ღონისძიების ფარგლებში, სიტყვით გამოსვლისას ავთანდილ კასრაძემ ქუთაისის ტექნოლოგიურ ჰაბში არსებული ინტერაქციული სამეცნიერო და ტექნოლოგიური მუზეუმის მნიშვნელობაზე ისაუბრა და აღნიშნა, რომ მუზეუმის მისიაა ადამიანების შთაგონება ექსპერიმენტისთვის, სამყაროს გასაგებად და პასუხისმგებლიანი მოქმედებისთვის. 🧪 ქუთაისის ტექნოლოგიური ჰაბის ინტერაქციული, სამეცნიერო და ტექნოლოგიური მუზეუმი მეცნიერებისა და ტექნოლოგიების პოპულარიზაციის სრულიად ახალ სტანდარტს ამკვიდრებს საქართველოში. მუზეუმის კონცეფცია ეფუძნება თანამედროვე სამეცნიერო ცენტრების საუკეთესო საერთაშორისო პრაქტიკას და ვიზიტორებს მეცნიერების შესწავლის შესაძლებლობას ინტერაქციული ექსპერიმენტებისა და პრაქტიკული გამოცდილების საშუალებით სთავაზობს. 🤖 პირველ ეტაპზე, მუზეუმში წარმოდგენილია 50 თანამედროვე ექსპონატი, მათ შორის ნაწილი შერჩეული და დამზადებულია მსოფლიოში ერთ-ერთ საუკეთესო — პოლონეთის კოპერნიკის სამეცნიერო ცენტრთან თანამშრომლობით. ექსპოზიცია აერთიანებს ფიზიკის, მათემატიკის, ინჟინერიის, მექანიკის, ოპტიკის, ელექტრომაგნეტიზმის, ასტრონომიის, საბუნებისმეტყველო მეცნიერებების, ხელოვნური ინტელექტისა და თანამედროვე ტექნოლოგიების თემატიკას. 🎓 ქუთაისის ტექნოლოგიურ ჰაბში ასევე განთავსდა TUMO-ს ცენტრი — მსოფლიოში აღიარებული კრეატიული ტექნოლოგიების საგანმანათლებლო მოდელი, რომელიც უკვე მსოფლიოს მასშტაბით არაერთ ქალაქში წარმატებით ფუნქციონირებს. TUMO კრეატიული ტექნოლოგიების ცენტრი ერთდროულად 1200-მდე მოსწავლის ჩართულობას უზრუნველყოფს. ⚙️ „ქუთაისის ტექნოლოგიურ ჰაბში განთავსდა ქვეყნის მასშტაბით ყველაზე დიდი ტექნოლოგიური პარკი ულტრათანამედროვე ლაბორატორიებით“ — აღნიშნა ავთანდილ კასრაძემ. 💡 მისივე განმარტებით, მთელი წლის განმავლობაში ათასობით ბენეფიციარს, ყველა ასაკობრივ კატეგორიაში, შესაძლებლობა ექნება მონაწილეობა მიიღოს ისეთ პროექტებში, როგორიცაა სტარტაპ ინკუბატორი, პრე-აქსელერატორი, ტექნოლოგიური კვირეულები, ინოვაციური ბანაკები, ჰაკათონები, ვორქშოპები, ტრენინგები და ასობით სხვადასხვა ტიპისა და მიმართულების საგანმანათლებლო და საკონკურსო ღონისძიებები. 🌍 მისივე განმარტებით, ქუთაისის ტექნოლოგიურ პარკში წარმოდგენილია ყველა საჭირო ინსტრუმენტი ინოვაციური ბიზნესის მხარდასაჭერად — იდეიდან საერთაშორისო ბაზრებამდე. 👉იხილეთ ვრცლად: https://shorturl.at/W0lVF

🚀საქართველოს ინოვაციების და ტექნოლოგიების სააგენტომ, STEAM ბანაკის პროექტის ფარგლებში, მთელი საქართველოს მასშტაბით რეკორდული რაოდენობის — 2 000-ზე მეტი განაცხადი მიიღო, საიდანაც 300 მონაწილე შეირჩა. 💡STEAM ბანაკი მიზნად ისახავს სკოლის მოსწავლეების პროგრამირების საწყისებით, თანამედროვე ტექნოლოგიებითა და ინოვაციური მეწარმეობით დაინტერესებას, მათი პროფესიული განვითარების ხელშეწყობას და STEAM მიმართულებებში ახალგაზრდების ჩართულობის გაზრდას. პროექტი გრძელვადიან პერსპექტივაში ხელს შეუწყობს ქვეყანაში ინოვაციური ეკოსისტემის გაძლიერებასა და ეკონომიკურ განვითარებას. 📌ბანაკის ხუთდღიანი ინტენსიური პროგრამა მონაწილეებს შესაძლებლობას მისცემს გაიღრმაონ ცოდნა და პრაქტიკული უნარები STEAM-ის საწყისებში, მეცნიერების, ტექნოლოგიების, ინჟინერიის, ხელოვნებისა და მათემატიკის მიმართულებით.

🏆 ქართული სტარტაპის დიდი საერთაშორისო აღიარება და წარმატება ნიკა ონიანი, CrowdBrain-ის თანადამფუძნებელი, Colosseum-ის ჰაკათონის Grand Champion გახდა. 🏆CrowdBrain-მა მოიგო $30,000 ოდენობის პრიზი, მიიღო $250,000-იანი დაფინანსება Colosseum-ის აქსელერატორში და გუნდი 6 კვირით სან-ფრანცისკოში მიემგზავრება აქსელერაციის პროგრამაში მონაწილეობის მისაღებად. 🗣️ამ წარმატების გზაზე მნიშვნელოვანი ეტაპი იყო Build Station Tbilisi — ჰაკათონის ფარგლებში გამართული 9-დღიანი სამუშაო ღონისძიება, რომლის მთავარი პარტნიორი საქართველოს ინოვაციებისა და ტექნოლოგიების სააგენტო (GITA) იყო. 👥სწორედ მის ფარგლებში მიიღეს გუნდებმა, ის მენტორობა და გამოცდილება, რაც ქართული გუნდის გამარჯვების საწინდარი გახდა. 🥳ვულოცავთ CrowdBrain-ის გუნდს ამ გამორჩეულ მიღწევას და ვუსურვებთ კიდევ უფრო მასშტაბურ წარმატებებს საერთაშორისო ასპარეზზე! 🇬🇪✨ Superteam Georgia

🚀საქართველოს ინოვაციების და ტექნოლოგიების სააგენტოს (GITA) „ინოვაციური სტარტაპების აქსელერაციის პროგრამის“ ფარგლებში, ერთ-ერთმა გამარჯვებულმა საერთაშორისო აქსელერატორმა, 500 Global-მა, მეორე — MVP-ის (მინიმალური სიცოცხლისუნარიანი პროდუქტის) ეტაპისთვის სტარტაპების განაცხადების მიღება ოფიციალურად დაიწყო. ↘ მიმდინარე ფაზა 4 თვის განმავლობაში გრძელდება და სრულად არის ფოკუსირებული MVP-ის შექმნასა და დახვეწაზე, პროდუქტის ბაზრის მოთხოვნებთან შესაბამისობის (Product-Market Fit) უზრუნველყოფასა და კონკურენტუნარიანობის გაზრდაზე. 📌ამ ეტაპზე სტარტაპების წარმომადგენლებისთვის საერთაშორისო ექსპერტების მხრიდან ინტენსიური სასწავლო პროგრამა მიმდინარეობს, მათ ასევე პროცესში საშუალება ექნებათ საუკეთესო საერთაშორისო პრაქტიკას გაეცნონ და მათი გამოცდილება გაიზიარონ. გარდა ამისა, თითოეული სტარტაპი სააგენტოსგან მიიღებს 50,000 ლარის ოდენობის გრანტს. 👉პროგრამაში მონაწილეობით დაინტერესებულ სტარტაპებს განაცხადის შემოტანა შეუძლიათ მიმდინარე წლის 31 ივლისის ჩათვლით. 👉 სარეგისტრაციო ბმული: https://lnkd.in/dBvmpaRm 👉 იხილეთ ვრცლად: https://shorturl.at/G16pM

🎬 გაქვს შემოქმედებითი ნიჭი და გინდა, რომ ქართული მითები, ლეგენდები თუ ისტორიული ამბები ანიმაციად აქციო? 🚀საქართველოს ინოვაციების და ტექნოლოგიების სააგენტო (GITA) იწყებს ახალ საგანმანათლებლო-შემეცნებით პროექტს ArtEast–ArtWest, რომლის მიზანია საქართველოს ადგილობრივ მითებზე, ლეგენდებზე, ისტორიულ მოვლენებსა და გამორჩეულ პერსონაჟებზე დაფუძნებული 13 მოკლემეტრაჟიანი ანიმაციური ფილმის შექმნა. 🎨 ვისთვისაა ეს პროგრამა? პროექტში მონაწილეობა შეუძლია 14 წლიდან ზევით ნებისმიერ ახალგაზრდას — სკოლის მოსწავლეს, სტუდენტს და ყველა შემოქმედებითი ადამიანს. აღსანიშნავია ის, რომ ანიმაციის სფეროში წინასწარი გამოცდილება სავალდებულო არ არის. 🎥პროექტის იდეასა და მონაწილეობის დეტალებზე, თორნიკე ჯობავა, საქართველოს ინოვაციების და ტექნოლოგიების სააგენტოს თავმჯდომარის მოადგილე დეტალურად საუბრობს. 🗓️ განაცხადების მიღების ბოლო ვადაა 25 აგვისტო. 🔗 განაცხადის შესავსებად ეწვიეთ: https://lnkd.in/dBa8DNE7

🚀საქართველოს ინოვაციების და ტექნოლოგიების სააგენტოს „ინოვაციური სტარტაპების აქსელერაციის პროგრამის“ ერთ-ერთმა გამარჯვებულმა, საერთაშორისო აქსელერატორმა Startupbootcamp-მა პროგრამის მეორე ფაზა დაასრულა ,10 საუკეთესო სტარტაპი გამოავლინა და პროგრამის მესამე ეტაპის განხორციელება დაიწყო. 📌აღნიშნული ფაზის ფარგლებში, თითოეული შერჩეული სტარტაპი ინოვაციების და ტექნოლოგიების სააგენტოსგან 150 000 ლარის ოდენობით საგრანტო დაფინანსებას მიიღებს. პროგრამის მიმდინარე ექვსთვიანი ეტაპი მონაწილე კომპანიებისთვის ინდივიდუალურ საჭიროებებზე სპეციფიკურად მორგებულ მხარდაჭერას უზრუნველყოფს. 🚀“ინოვაციური სტარტაპების აქსელერაციის პროგრამაში” სულ ოთხი საერთაშორისო აქსელერატორი - Plug and Play, Startupbootcamp, 500 Global და Founder Institute - მონაწილეობს. პროგრამა ადგილობრივი და რეგიონული სტარტაპების მხარდაჭერის კიდევ ერთი მექანიზმია, რომელიც დაეხმარება განვითარების ადრეულ ეტაპზე მყოფ ინოვაციურ სტარტაპებს გლობალურ ბაზარზე გასვლაში, ინვესტიციების მოზიდვასა და განვითარებაში. 👉იხილეთ ვრცლად: https://shorturl.at/DanqP #იდეაქმნისმომავალს🚀

🚀ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს ხელმძღვანელი ავთანდილ კასრაძე უზბეკეთის რესპუბლიკის IT პარკის აღმასრულებელ დირექტორს ჯახონგირ რადჯაბოვს შეხვდა. მხარეებმა განიხილეს სამომავლო თანამშრომლობის პრიორიტეტები სტარტაპ-ეკოსისტემის, ხელოვნური ინტელექტისა და სხვა მიმართულებით. 🤝შეხვედრის ფარგლებში, ინოვაციების და ტექნოლოგიების სააგენტოსა და უზბეკეთის რესპუბლიკის პროგრამული უზრუნველყოფისა და საინფორმაციო ტექნოლოგიური პარკის ადმინისტრაციას შორის გაფორმდა ურთიერთგაგების მემორანდუმი, რომელიც ითვალისწინებს ერთობლივი ღონისძიებების ორგანიზებას, ორ ქვეყანას შორის ინოვაციური ეკოსისტემების დაკავშირებას, სტარტაპების ორმხრივ თანამშრომლობასა და საერთაშორისო გაფართოების ხელშეწყობას. 🚀„ინვესტიციების მოზიდვის თვალსაზრისითა და ბიზნესის გაფართოების კუთხით, უზბეკეთი ქართული სტარტაპებისთვის ერთ-ერთი ყველაზე საინტერესო ბაზარია. სწორედ ამიტომ ჩვენთვის მნიშვნელოვანია სახელმწიფო უწყებებთან ამ მიმართულების თანამშრომლობა, რაც ხელს შეუწყობს ჩვენს სტარტაპებს წვდომა ჰქონდეთ იმ სახელმწიფო სერვისებზე, რომელსაც მათ უზბეკეთის მთავრობა სთავაზობს“ - განაცხადა ავთანდილ კასრაძემ. 👉 https://shorturl.at/bpj7K #იდეაქმნისმომავალს🚀

🎬საქართველოს ინოვაციების და ტექნოლოგიების სააგენტო (GITA) იწყებს პროექტს ArtEast–ArtWest, რომლის მიზანია საქართველოს ადგილობრივ მითებზე, ლეგენდებზე, ისტორიულ მოვლენებსა და გამორჩეულ პერსონაჟებზე დაფუძნებული 13 მოკლემეტრაჟიანი ანიმაციური ფილმის შექმნა. 🫵🏻პროექტი განკუთვნილია 14 წლის და უფროსი ასაკის ახალგაზრდებისთვის, სკოლის მოსწავლეებისთვის, სტუდენტებისა და შემოქმედებითი სფეროთი დაინტერესებული პირებისთვის. მონაწილეობის მისაღებად ანიმაციის სფეროში წინასწარი გამოცდილება საჭირო არ არის. 📌 მონაწილეთა შერჩევა ოთხი მიმართულებით განხორციელდება: • Story / Script – სცენარი და ამბის თხრობა; • Visual / Character Design – ვიზუალი და პერსონაჟების დიზაინი; • Sound / Music – მუსიკა და ხმოვანი დიზაინი; • Animation / Motion – ანიმაცია და მოძრაობა. შერჩეული მონაწილეები გაივლიან ჰიბრიდულ სასწავლო პროგრამას, რომელიც მოიცავს ანიმაციის საფუძვლებს, სცენარისტიკას, სტორიბორდის შექმნას, პერსონაჟისა და ვიზუალური სტილის დიზაინს, მუსიკისა და ხმის შექმნას, ვიდეოსა და ანიმაციის ტექნიკურ წარმოებას, ციფრული და AI ინსტრუმენტების პასუხისმგებლიან გამოყენებას, ასევე პროექტის პრეზენტაციის მომზადებას. 👩🏼💻🧑🏻💻პროექტის ფარგლებში შექმნილი ანიმაციები წარმოდგენილი იქნება შემაჯამებელ ღონისძიებაზე და განთავსდება ერთიან ონლაინ არქივში. 🗓 განაცხადების მიღების ბოლო ვადაა 25 აგვისტო. 🔗 განაცხადის შესავსებად ეწვიეთ: https://lnkd.in/dBa8DNE7

🚀ეკონომიკისა და მდგრადი განვითარების მინისტრის მოადგილე ირაკლი ნადარეიშვილი და ინოვაციების და ტექნოლოგიების სააგენტოს თავმჯდომარე ავთანდილ კასრაძე , ყაზახეთის რესპუბლიკის ხელოვნური ინტელექტისა და ციფრული განვითარების მინისტრის პირველ მოადგილეს, როსტისლავ კონიაშკინს შეხვდნენ. 🔗მხარეებმა ყურადღება გაამახვილეს ხელოვნური ინტელექტის დანერგვის პროცესში აქტიური სახელმწიფო პოლიტიკის მნიშვნელობაზე. საუბარი შეეხო ინოვაციური და ციფრული მიმართულებით ორმხრივი თანამშრომლობის პერსპექტივებს. შეხვედრაზე ხაზი გაესვა რეგიონული თანამშრომლობის საჭიროებას და საერთო პლატფორმებზე პოზიციონირების მნიშვნელობას, რაც ხელს შეუწყობს გამოცდილების გაზიარებასა და ტექნოლოგიური ეკოსისტემების განვითარებას. 🤝მხარეებმა ასევე განიხილეს კონკრეტული ერთობლივი პროექტების განხორციელების შესაძლებლობებიც, რომლებიც მიზნად ისახავს ორი ქვეყნის ტექნოლოგიური სექტორის მხარდაჭერასა და კავშირების გამყარებას. 👉იხილეთ ვრცლად: https://shorturl.at/3gnQx #იდეაქმნისმომავალს🚀

🚀საქართველოს ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თავმჯდომარე ავთანდილ კასრაძე, ლიბანის სახელმწიფო ადმინისტრაციული რეფორმების მინისტრს, ფადი მაკკის შეხვდა. 📌მხარეებმა საქართველოში ინოვაციური ეკოსისტემის განვითარების დინამიკა განიხილეს და გამოცდილების გაზიარების მნიშვნელობაზე ისაუბრეს, რაც ლიბანისთვის, მიმდინარე ადმინისტრაციული რეფორმების პროცესში, სასარგებლო იქნება. 📌შეხვედრისას ყურადღება გამახვილდა იმ მნიშვნელოვან წინსვლაზე, რომელიც საქართველომ ინოვაციური ეკოსისტემის ზრდის მიმართულებით აჩვენა. ასევე საუბარი შეეხო მოქნილ საშეღავათო პირობებსა და ინოვაციური ბიზნესების მასშტაბირების ხელშეწყობას, რაც კრიტიკულად მნიშვნელოვანია გლობალურ ბაზარზე კონკურენტუნარიანობის შესანარჩუნებლად. 👉იხილეთ ვრცლად: https://shorturl.at/bggC4 #იდეაქმნისმომავალს🚀